Almatyda bitimgerler daıyndaıtyn Qazaqstan - Úndistan synyby ashyldy
Sharaǵa QR Qorǵanys mınıstriniń orynbasary, general-maıor Muhamedjan Talasov, Úndistannyń Qazaqstandaǵy Tótenshe jáne Ókiletti Elshisi Prabhat Kýmar myrza, sondaı–aq, áskerı dıplomatııalyq korpýstyń ókilderi qatysty.
Búgingi kúni ortalyqta Qazaqstan Qarýly Kúshteriniń bitimgershilik kúshteri oqýdan ótip jatyr. Tájirbıeli nusqaýshylar jaýyngerlik daıyndyq baǵdarlamasy boıynsha psıhologııalyq jáne aǵylshyn tili testinen, teorııa men praktıkadan ótetin áskerı qyzmetkerlermen jan-jaqty jumys istep jatyr. Barlyq daıyndyq halyqaralyq standarttarǵa sáıkes júzege asyrylady. Ár túrli bitimgershilik mıssııalarda bolǵan áskerı qyzmetshiler de óz tájirıbelerin bolashaq bitimgershilik kúshterge úıretýde.
Sonymen qatar, ekijaqty kezdesý barysynda general-maıor Muhamedjan Talasov pen Prabhat Kýmar myrza úndi kontıngenti quramyndaǵy qazaqstandyq bitimgershilik kompanııanyń BUU mıssııasyna qatysýyn, sondaı-aq qorǵanys salasyndaǵy ekijaqty yntymaqtastyqty odan ári damytý máselelerin talqylady.
«Biz úndi tarapynan qazaqstandyq áskerı qyzmetshilerdiń BUU bitimgershilik mıssııalaryna praktıkalyq qatysý josparlaryn joǵary baǵalaımyz. Osy turǵyda alǵashqy birlesken qazaqstan-úndi bitimgershilik aýdıtorııasynyń ashylýy Qazaqstannyń bitimgershilik áleýetin nyǵaıtý tarıhynyń shejiresinde jazylatyn bolady. Bul qadam Qazaqstan men Úndistannyń qorǵanys vedomstvolarynyń beıbitshilik pen qaýipsizdikti nyǵaıtý maqsatynda qarym-qatynasty odan ári damytýǵa degen qyzyǵýshylyǵyn rastaıdy», - dedi Qorǵanys mınıstriniń orynbasary.
Óz kezeginde, Prabhat Kýmar Qazaqstan Úndistannyń qorǵanys salasyndaǵy negizgi seriktesi ekenin atap ótti jáne kásibı sheberlik pen jaýyngerlik daıarlyqty joǵary baǵalady.