Almatyda biryńǵaı kásipkerlikti qoldaý ortalyǵy ashyldy
«QR Prezıdenti Qasym-Jomart Toqaevtyń halyqqa joldaýynda aıtylǵandaı halyqty jumyspen qamtý jáne kishi jáne orta bıznesti qoldaý barlyq deńgeılerdegi ákimderdiń qyzmetiniń basty baǵyty. Osy oraıda «Almaly» jumyspen qamtý jáne kásipkerlikti qoldaý máseleleri boıynsha halyqqa qyzmet kórsetý ortalyǵynyń ashylý bastamasy qolǵa alyndy. Almaty qalasynyń ákimi B.Saǵyntaevtyń tapsyrmasymen ashylǵan «Baqytty Otbasy» ortalyqtarynda «Іsker Ana» baǵdarlamasy iske asyrylýda, bul baǵdarlama halyqtyń osal toptaryna tıgizgen naqty kómegin dáleldegen. Osy ortalyqtyń jumysy barysynda óz isin bastaǵysy keletin azamattarǵa arnalǵan halyqqa qyzmet kórsetý ortalyqtyń qajettiligi anyqtaldy»,– deıdi Almaly aýdanynyń ákimi Bekqalı Torǵaev.
Sonymen qatar, ol «Almaly» jumyspen qamtý jáne kásipkerlikti qoldaý máseleleri boıynsha halyqqa qyzmet kórsetý ortalyǵynda jańadan óz isin bastaǵan kásipker «bir tereze» rejıminde memlekettik qoldaý, bıznesti júrgizý boıynsha belsendi suraqtar jóninde tolyq konsaltıngtik kómek ala alady.
«Bul bastamany «Qoldau» kásipkerlik ortalyǵy, «Atameken» UKP, «Almaty Finance» JShS, Azamattarǵa arnalǵan úkimet (HQKO) qoldady. Іske asyrylyp jatqan jumystyń maqsaty turǵyndardy jumyspen qamtý, óz isin ashý jáne damytý múmkindikterin ońataılandyrý»,- dedi ákim.