Almatyda birneshe jeke úıdiń shatyry órtenip, oqıǵa ornynan eki adam qutqaryldy

ALMATY. QazAqparat - Almatyda jeke turǵyn úı sektorynda úsh úı otqa orandy, dep habarlaıdy QazAqparat tilshisi Almaty qalalyq TJD baspasóz qyzmetine silteme jasap.

«12 shilde kúni saǵat 17:05 mınýt shamasynda órt sóndirýshiler Medeý aýdany Latıf Hamıdı kóshesine jiberildi. Jeti mınýtta kelgen sátte úsh úıdiń shatyry ashyq jalynmen janyp jatqany anyqtaldy. Gaz-tútinnen qorǵaý qyzmeti adam bar-joǵyna barlaý júrgizip, qyzmetkerler órt sóndirýge kiristi» dep habarlaıdy TJD baspasóz qyzmetinen.

Úsh úıdiń shatyryndaǵy órtti sóndirý barysynda eki adam qutqarylyp, gaz ballony shyǵarylǵan.

Sondaı-aq nysandar elektr qýatynan ajyratylyp, polıtsııa qyzmetkerleri oqıǵa ornyn qorshaýǵa aldy.

«Órttiń tez taralýyna úılerdiń tez janatyn materıaldan jasalǵany sebep boldy. Soǵan qaramastan qabyldanǵan jedel sharalardyń arqasynda 280 sharshy metr aýmaqtaǵy órt 17:34-ta oqshaýlanyp, 17:48-de sóndirildi. Abyroı bolǵanda zardap shekkender joq. Oqıǵa ornyna TJD kúsh-quraldary 33 adam jáne 9 tehnıka jumyldyryldy»,- dep habarlady departamentten.

Órttiń sebebi naqtylanyp jatyr.

Jalynnyń kórshi ǵımarattarǵa taralýyna jol berilmedi.