Almatyda birneshe turǵyn úı gazdan ajyratylady

ALMATY. QazAqparat - Almatyda birneshe  nysan  kógildir otynnan ýaqytsha ajyratylady, dep habarlaıdy QazAqparat tilshisi «QazTransGazAımaq» AQ Almaty bólimshesine silteme jasap.

5-7 jeltoqsanda Abylaı han - Áýezov - Tuzov - Markov - Buhar jyraý - Esentaı ózeniniń jaǵasynda ornalasqan ǵımarattar gazdan ajyratylady.

Kógildir otyn berý jer asty tómen qysymdy gaz qubyryn qaıta jóndeý jumystaryn júrgizý úshin ýaqytsha toqtatylady. Jóndeý jumystary Almaly aýdanyndaǵy Muratbaev kóshesinde, Áıteke bıden bastap Qurmanǵazy kóshesine deıingi aımaqta júredi.

«Gazdy ýaqytsha ajyratý turǵyn úı ǵımarattaryndaǵy temperatýra rejimine áser etpeıdi. Óıtkeni bul aýmaqta kóppáterli turǵyn úıler gazdy tek tamaq daıyndaý úshin paıdalanady», - delingen habarlamada.

Gaz qubyrlaryn jańartý qaıta salý jumystarynyń aıaqtalýyna qaraı kezeń-kezeńmen júzege aspaq. Ol qalalyq gaz júıesin apatsyz paıdalanýdy qamtamasyz etý úshin qajet bolyp otyr.