Almatyda birqatar úılerde 5 kún gaz bolmaıdy

ALMATY. QazAqparat - 2018 jyldyń 22 qazanynan 27 qazanyna deıin Naýryzbaı jáne Alataý aýdandarynda birqatar úıde gaz óshiriledi, dep habarlaıdy QazAqparat tilshisi Almaty QTG baspasóz qyzmetine silteme jasap.

Naýryzbaı aýdanynda «Abaı dańǵylyn uzartý» jobasy boıynsha jol qurylysyna baılanysty Sádýaqasov («Dostyq» sh.a.) jáne Pıonerler («Dostyq» sh.a.), Aıbergenov kósheleri (Shuǵyla sh.a.), Raıymbek dańǵylynda ornalasqan jeke sektordaǵy 4499 úı jáne ujymdyq sektordaǵy 8 qosylymda gaz óshiriledi. Sondaı-aq, «Qalqaman»-1,2 jáne «Altyn Besik» shaǵyn aýdandarynda gaz berý toqtatylady. 

Alataý aýdanynda jerasty gaz qubyryn aýystyrý jumystaryna baılanysty Emtsov kóshesi men Rysqulov dańǵylynyń burylysynda, apattyq-qalpyna keltirý jumystaryn júrgizýge baılanysty Rysqulov dańǵyly men Almatınka ózeni boıynda, B.Momyshuly-Raıymbek-Soltústik aınalma jol ýchaskelerinde kógildir otyn bolmaıdy.