Almatyda birqatar shetel azamattary ýaqytsha evakýatsııalandy
17:53, 12 Qańtar 2022
NUR-SULTAN. QazAqparat - Amerıka Qurama Shtattary Qazaqstan úkimetine Almatydan óz erkimen ketemiz degen konsýldyqtyń keıbir qyzmetkerlerin, AQSh azamattaryn jáne basqa da shetel azamattaryn 12 qańtarda ýaqytsha evakýatsııalaýǵa qoldaý kórsetkeni úshin alǵys aıtty, dep habarlaıdy QazAqparat.
«Qazaqstan árqashan Amerıka Qurama Shtattarynyń senimdi dosy bolyp qala beredi. Biz qazaqstandyqtardyń turaqtylyǵyna jáne halyqtyń bul daǵdarystan shyǵa alatynyna senemiz» delingen elshiliktiń málimdemesinde.
AQSh Memlekettik hatshysy Entonı Blınken Qazaqstannyń Syrtqy ister mınıstri Muhtar Tleýberdimen 6 qańtarda sóıleskende aıtqandaı, AQSh Qazaqstannyń konstıtýtsııalyq ınstıtýttaryn tolyǵymen qoldaıdy.
«Jaǵdaıdyń múmkindigine qaraı, bizdiń qyzmetkerlerimiz Almatyǵa qaıta orala alar degen oıdamyz» dep málim etti AQSh elshiligi.