Almatyda birqatar ǵımarat jylýsyz qaldy
18:52, 05 Qarasha 2020
ALMATY. QazAqparat– Almaly aýdanynda jylý jelisi isten shyqty. Saldarynan birqatar ǵımarat jylýsyz qaldy, dep habarlaıdy QazAqparat tilshisi.
Jylý men ystyq sýdan ajyratylǵan Aımanov– Jandosov-Rozybaqıev-Solodovnıkov kósheleriniń boıyndaǵy birqatar turǵyn úı men ǵımarattarǵa jylý búgin túngi saǵat 24:00-ge deıin beriledi. Qazir aqaý shyqqan jeliler qaıta qalpyna keltirilip jatyr.
Aldyn ala málimetter boıynsha jylý bólý qondyrǵysynda qysym rettegish isten shyqqan.
«Jylý jelilerin qalpyna keltirý jumystaryna «AlTS» JShS-niń 50 qyzmetkeri men 10 mamandandyrylǵan tehnıkasy jumyldyryldy.
Tutynýshylarǵa jylý berý kezeń-kezeńimen júzege asyrylady. Jylýdan ýaqytsha ajyratý turǵyn úıler men basqa nysandardyń ishindegi temperatýra rejımine áser etpeıdi»,– dep habarlady «Almaty jylý jelileri» AQ baspasóz qyzmetinen.