Almatyda birinshi synypqa qabyldaý úshin 25 myńnan astam ótinish tústi
Almaty ákimdiginiń málimetinshe, qalada birinshi synypqa qujattardy qabyldaý 1 sáýirde bastalǵan.
«Tórt aıdyń ishinde qala boıynsha 25 009 ótinish tústi. Eger 2021-2022 oqý jylynda Almaty qalasynda birinshi synypqa 31 046 bala tússe, 2022-2023 oqý jylynda – 32 938 bala. Ótinim 1 tamyzǵa deıin qabyldanady. Almatyda bilim berý uıymdary alty jastaǵy balalar men bıyl alty jasqa tolatyn balalardy birinshi synypqa qabyldaıdy. Úlgilik qaǵıdaǵa sáıkes, 1-synypqa qabyldaý boıynsha memlekettik qyzmet kórsetý elektrondyq formatta «Elektrondyq úkimettiń» egov.kz veb-portaly arqyly júzege asyrylady», - delinedi ákimdiktiń habarlamasynda.
Daıarlyq deńgeıine qaramastan, mektep mańynda (shaǵyn ýchaskede) turatyn barlyq bala qabyldanady. Balalardy mektepke ózderiniń shaǵyn aýmaǵy boıynsha ǵana emes, bos oryndar bolǵan jaǵdaıda kez kelgen basqa memlekettik mektepke de tirkeýge bolady.
«Birinshi synypqa qabyldaý úshin balanyń ata-anasy nemese zańdy ókili jeke ótinish jazýy kerek. Sonymen qatar balanyń týý týraly kýáliginiń kóshirmesin, 026/ý-3 úlgidegi densaýlyq jaǵdaıy týraly qujatty, 065/ý úlgidegi densaýlyq jaǵdaıy týraly qujatty jáne 3h4 ólshemindegi eki fotosýretti ótkizý qajet. Qabyldaý jasy – 6 jastan bastap», - dep habarlady ákimdikten.
Balalardy 1-synypqa qabyldaýda barlyq qosymsha suraq boıynsha jedel jeli telefondary arqyly habarlasýǵa bolady:
Alataý aýdany: +77089705042
Almaly aýdany: +77021000777; +77474129383
Áýezov aýdany: +77021000777; +77474129383
Bostandyq aýdany: +7772806650; 87773001474
Jetisý aýdany: +77026738333; +77016606554
Medeý aýdany: +77017839483; +77759194000
Naýryzbaı aýdany: +77782273301; +77021966805
Túrksib aýdany: +77778270580; +77016154978
2023 jyldan bastap oqýshylar mektep ashanalarynda tegin tamaqpen qamtamasyz etilgen. Bul tizimge 1-4 synyp oqýshylary men áleýmettik osal otbasydan shyqqan 5-11 synyp oqýshylar kiredi.
Buǵan deıin mundaı jaǵdaı áleýmettik qorǵalmaǵan otbasylardan shyqqan bastaýysh synyp oqýshylaryna ǵana jasalǵan bolatyn.
«Almatyda oqýshy oryndarynyń tapshylyǵyn tómendetý úshin 2022 jyly 16 193 oryndyq 18 bilim berý nysany iske qosyldy. 2023 jyldan bastap «Jaıly mektep» jobasy boıynsha respýblıkalyq bıýdjet esebinen 37 myń oqýshyǵa arnalǵan 22 mektep salý josparlanǵan. Buǵan qosa, jergilikti bıýdjet esebinen 2023 jyly 5 570 oryndyq 11 nysandy, onyń ishinde 1 500 oryndyq 1 mektepti (Qaırat shaǵyn aýdany), 920 oryndyq 4 qosymsha qurylys (№48, 148, 112, №9 MI), 3150 oryndyq 6 jekemenshik mektep ashý kózdelgen.
Osylaısha, 2026 jylǵa qaraı oqýshy oryndarynyń tapshylyǵy jyl saıynǵy ósimdi eskere otyryp, qajetti deńgeıge deıin tómendeıdi», – dep habarlady Almaty ákimdigi.