Almatyda «Birgemiz! Biz temeki, ishimdik pen esirtkini jeńemiz!» atty jastar aktsııasy qorytyndylandy
dep habarlaıdy QazAqparat.
QR Densaýlyq saqtaý mınıstrligi Salaýatty ómir saltyn qalyptastyrý problemalarynyń Ulttyq ortalyǵy, Ál-Farabı atyndaǵy QazUÝ jáne «Biz sendermen birgemiz!» qoǵamdyq birlestiginiń uıymdastyrýymen ótip otyrǵan sharanyń maqsaty - Qazaqstan jastary arasynda salaýatty ómir saltyn qalyptastyrý saıasatyn júzege asyrý.
Atalmysh ortalyqtyń Bas dırektory Sáýle Dıqanbaevanyń aıtýynsha, salaýatty ómir saltyn saqtap, jaman ádetten aýlaq júretin deni saý jastar el bolashaǵy. «Prezıdentimiz aıtyp ótkendeı, elimizdegi atqarylyp jatqan isterdiń barlyǵy jastarymyz úshin jasalyp otyr. Óıtkeni deni saý, oı-órisi joǵary jastar elimizdiń bolashaǵy, úmiti. Sondyqtan osy baǵytta bizdiń ortalyq pen Bilim jáne ǵylym mınıstrligi ár aımaq boıynsha bir jyldan artyq eńbek etti», deıdi S.Dıqanbaeva.
Sondaı-aq atalmysh sharaǵa elimizdiń tanymal sportshylary men estrada juldyzdary kelip, jastardy salaýatty ómir saltyn qalyptastyrýǵa shaqyryp, ózderiniń izgi tilekterin bildirdi.