Almatyda bir top adam 10 myń teńgelik jalǵan banknottardy ótkizip kelgen

ALMATY. QazAqparat - Almatyda 10 000 teńgelik jalǵan banknottardy satýmen aınalysqan bir top adamnyń qylmystyq áreketiniń joly kesildi, dep habarlaıdy QazAqparat.

Qarjy monıtorıngi agenttiginiń Almaty qalasy boıynsha departamenti júrgizgen tintý barysynda qylmystyq árekettiń zattaı aıǵaǵy - jalǵan banknottar, uıaly telefondar jáne basqa da zattar tabylyp, tárkilengen.

Atalǵan fakti boıynsha sotqa deıingi tergeý amaldary júrgizilip jatyr.

Bir kúdikti qamaýǵa alyndy.

Qazirgi ýaqytta ekinshi kúdiktini ustaý úshin jedel izdestirý sharalary bastalǵan.

Sondaı-aq, basqa tulǵalardyń zańsyz áreketterge qatysy bar-joǵy anyqtalý ústinde.

«Tergeý jalǵasyp jatyr. QR QPK 201-babyna sáıkes ózge de málimetter jarııa etýge jatpaıdy» dep málim etti agenttiktiń resmı ókili Álibek Ábdilov.