Almatyda bir táýlikte úsh myńǵa jýyq adam koronavırýsqa qarsy vaktsına saldyrdy
14:00, 24 Aqpan 2022
ALMATY. QazAqparat – Almatyda bir táýlik ishinde 2 978 adam koronavırýsqa qarsy ekpe aldy. Onyń ishinde 1-komponentin 1 421 adam, 2-komponetin 1 557 adam saldyrdy. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.
«Ótken jyldyń 1 aqpany men bıylǵy jyldyń 23 aqpany aralyǵynda qalada 1 136 355 turǵyn vaktsınanyń birinshi komponentin, 1 092 158 adam ekinshi komponentin saldyrǵan. Onyń ishinde 124 842 adamnyń jasy 60-tan asqan»,- delingen habarlamada.
Búgingi tańda Pfizer vaktsınasyn 53 576 adam saldyrdy. Onyń ishinde 2 943 júkti áıel, 11 763 bala emizetin ana jáne 38 870 jasóspirim bar. 238 131 qala turǵyny revaktsınatsııadan ótti.
«Búgingi tańda qalada medıtsına mekemelerinde 119 vaktsınatsııa pýnkti jumys isteıdi. 140 vaktsınatsııa brıgadasynda 520 medıtsına qyzmetkeri jumyldyryldy» - dep atap ótti Almaty qalasy Qoǵamdyq densaýlyq basqarmasynyń baspasóz qyzmeti.