Almatyda bir táýlikte on bir myńnan astam adam vaktsına saldyrdy

ALMATY. QazAqparat - Almaty qalasynda bir táýlikte 11 472 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

«17 tamyz kúni 5396 almatylyq vaktsına saldyrdy. Koronavırýsqa qarsy vaktsınanyń І komponentin 6 027 adam saldyrdy, II komponentin saldyrǵandar sany - 5273. Bıylǵy jyldyń 1 aqpany men 17 tamyzy aralyǵynda qalada barlyǵy 823 223 adam vaktsına aldy. Vaktsına saldyrǵandardyń ishinde 108 775 adamnyń jasy 60-tan asqan»,- dep habarlady basqarmadan.

Qalada 160 pýnkt jumys istep tur. 1 028 adamnan turatyn 237 egý brıgadasy bar.

Sonymen qatar, 40 kóshpeli mobıldi brıgada uıymdastyrylǵan.

«Qazir medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnktteri jumys isteıdi» - dep naqtylady densaýlyq saqtaý basqarmasynyń baspasóz qyzmeti.