Almatyda bir táýlikte 7 myńnan astam adam vaktsına saldyrdy

ALMATY. QazAqparat - Almaty qalasynda bir táýlikte 7 307 adam koronavırýsqa qarsy vaktsına saldyrdy, dep habarlaıdy QazAqparat tilshisi.

Basqarma taratqan málimetke sáıkes, 23 maýsym kúni 7 307 almatylyq vaktsına saldyrdy. Bıylǵy jyldyń 1 aqpany men 22 maýsym aralyǵynda qalada barlyǵy 393 529 adamǵa ekpe salyndy.

Vaktsına alǵandar ishinde 60 jastan asqan qart kisiler - 53 623.

Qalada 211 pýnkt jumys istep tur. 1 257 adamnan turatyn 304 egý brıgadasy bar. Sonymen qatar, 40 kóshpeli mobıldi brıgada uıymdastyryldy.

Medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi.

«Qala boıynsha birinshi komponenttiń 65 021 dozasy jáne ekinshi komponenttiń 95 682 dozasy bar», - dep habarlady Almaty qalasy qoǵamdyq densaýlyq basqarmasynyń baspasóz qyzmeti.