Almatyda bir táýlikte 3,5 myń adam vaktsına aldy

ALMATY. QazAqparat - Almaty qalasynda bir táýlikte 3584 adam koronavırýs vaktsınasyn saldyrdy, dep habarlaıdy QazAqparat tilshisi.

Basqarma taratqan málimetke sáıkes, 11 mamyr kúni 3 584 almatylyq vaktsına saldyrdy. 1 aqpany men 11 mamyr aralyǵynda qalada barlyǵy 256 015 adamǵa ekpe salyndy. Vaktsına alǵan 60 jastan asqan qart kisiler sany - 30 369.

«Jalpy dozanyń ishinde qazaqstandyq QazVac vaktsınasy 3 000 dana, ıaǵnı, 16 kúnniń ishinde 2 990 adam vaktsına aldy. 3 mamyr kúni qytaıdyń Sinopharm vaktsınasy 15 myń dozasy jetkizildi, onyń birinshi komponenti 1 224 adamǵa egildi» - dep atap ótti basqarmadan.

Búgingi kúni qalada 214 pýnkt jumys istep tur. 1 282 adamnan turatyn 315 egý brıgadasy bar. Sonymen qatar, 40 kóshpeli mobıldi brıgada uıymdastyryldy.

«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady Qoǵamdyq densaýlyq saqtaý basqarmasy.

Eske sala ketsek, Qazaqstanda 1 727 011 adamǵa koronavırýs vaktsınasy egildi.