Almatyda bir táýlikte 2 myńnan asa adam vaktsınanyń І komponentin aldy

ALMATY. QazAqparat - Almaty qalasynda bir táýlikte 5882 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

«30 tamyz kúni 5882 almatylyq vaktsına saldyrdy. Koronavırýsqa qarsy ekpeniń І komponentin 2 050, II komponentin 3 832 adam aldy. Vaktsına saldyrǵandar sany boıynsha Almaty qalasy aldyńǵy orynda. Bıylǵy jyldyń 1 aqpany men 31 tamyzy aralyǵynda qalada 867 286 turǵyn vaktsınanyń birinshi komponentin, 724 837 adam ekinshi komponentin saldyrǵan. Olardyń ishinde 110 236 adamnyń jasy 60-tan asqan»,- dep habarlady basqarmadan.

Qalada 160 pýnkt jumys istep tur. 1 028 adamnan turatyn 237 egý brıgadasy bar.

Sonymen qatar, 40 kóshpeli mobıldi brıgada uıymdastyrylǵan.

«Qazir medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady densaýlyq saqtaý basqarmasynyń baspasóz qyzmeti.