Almatyda bir táýlikte 199 adamnan koronavırýs anyqtaldy

ALMATY. QazAqparat - Almatyda koronavırýs juqtyrǵan 69 naýqas em qabyldap jatyr. Bul týraly qalalyq qoǵamdyq densaýlyq basqarmasynan málim etti, dep habarlaıdy QazAqparat tilshisi.

5 shilde kúngi aqparat boıynsha, bir táýlikte qalada 199 adam koronavırýs juqtyrǵan.

Onyń ishinde 182 naýqasta indet belgileri bar, 17 naýqas - sımptomsyz.

«Infektsııalyq statsıonarlarda 69 adam jatyr. Barlyq emdelip shyqqandar – 48, kelip túskeni – 10. Jiti respıratorlyq vırýstyq ınfektsııamen (JRVI) – 1 patsıent», – dep naqtylady qoǵamdyq densaýlyq saqtaý basqarmasynyń baspasóz qyzmetinen.

Aıta keteıik, 4 shildeden bastap Almaty qalasy «sary» aımaqta.

Osyǵan baılanysty, Almaty qalasynyń bas memlekettik sanıtarııalyq dárigeriniń jańa qaýlysy shyqty.