Almatyda bir táýlikte 1,7 myń adam vaktsına aldy

ALMATY. QazAqparat - Almaty qalasynda bir táýlikte 1739 adam koronavırýsqa qarsy vaktsına saldyrdy, dep habarlaıdy QazAqparat tilshisi.

Basqarma taratqan málimetke sáıkes, 3 maýsym kúni 1 739 almatylyq vaktsına saldyrdy.

Bıylǵy jyldyń 1 aqpany men 3 maýsymy aralyǵynda qalada barlyǵy 311 546 adamǵa ekpe salyndy.

Vaktsına alǵandardyń ishinde 60 jastan asqan qart kisilerdiń úlesi - 30 773.

Qalada 212 pýnkt jumys istep tur. 1 256 adamnan turatyn 307 egý brıgadasy bar.

Sonymen qatar, 40 kóshpeli mobıldi brıgada uıymdastyrylǵan.

«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady qoǵamdyq densaýlyq saqtaý basqarmasy.

Búginde Qazaqstanda QazVac, «Spýtnık V», Hayat Vax jáne CoronaVac sekildi tórt vaktsına qoldanylyp otyr.