Almatyda «Bilim jáne mansap-2011» kórmesi ótedi

ALMATY. 16 sáýir. QazAqparat /Erbol Azanbek/ - Sáýirdiń 20-22 aralyǵynda Almatyda «Bilim jáne mansap-2011» kórmesi ótedi. Sharaǵa Qazaqstan, Qyrǵyzstan, Reseı, Latvııa, Garmanııa, Italııadan 90-nan astam bilim berý uıymdary qatysady.

XII kórmeniń maqsaty - bilim salasyndaǵy jetistikterdi kórsetý, bilim berýdiń zamanaýı tehnologııasyn, bilim jabdyqtaryn, jańa oqý baǵdarlamalaryn, ádistemelik keshenderdi tanystyrý, tájirıbe almasý.

Kórme aıasynda shet eldik jáne otandyq joǵary oqý oryndarynda jasalǵan ınnovatsııalyq jobalar kórsetiledi. Uıymdastyrýshylardyń aıtýynsha, kórme bilim salasyn jetildirýge jáne álemdik bilim keńistiginde bilim júıeleriniń yqpaldastyǵyn jyldamdatady.

Sharany «Atakent-Ekspo» halyqaralyq kórme kompanııasy QR Bilim jáne ǵylym mınıstrliginiń, Almaty qalasy ákimshiliginiń jáne Memlekettik jastar saıasatyn damytý qorynyń qoldaýymen uıymdastyryp otyr.