Almatyda bıletsiz jolaýshy poıyz vagonynyń shatyryna shyǵyp alǵan

ALMATY. QazAqparat - Almatyda bıletsiz er adam dittegen jerine poıyz vagonynyń shatyrynda jatyp, jetip almaq bolǵan, dep habarlaıdy QazAqparat tilshisi.

Vıdeo áleýmettik jelide tarady. Onda ornynan qozǵalyp bara jatqan poıyz vagonynyń biriniń ústinde er adam jatqanyn kórýge bolady.

Kóliktegi polıtsııa departamentiniń baspasóz qyzmetinen málim etkendeı, oqıǵa 24 shilde kúni saǵat 22:45-te bolǵan.

«Almaty-1» stantsııasyndaǵy kezekshi bólimshege «Almaty-2» stantsııasynan «Almaty-Oral» poıyzynyń mashınısinen vagonnyń tóbesine shyǵyp, jatyp alǵan er adamnyń kesirinen poıyz shuǵyl toqtatylǵany týraly habarlama tústi.

«Poıyz toqtaǵannan keıin kólik polıtseıleri quqyqbuzýshyny akt boıynsha vagonnyń tóbesinen túsirdi. Tekserý barysynda onyń Batys Qazaqstan oblysynyń 47 jastaǵy turǵyny ekeni anyqtaldy. Jaýap alý barysynda er adam bılet alýǵa aqshasy joǵyn aıtyp, poıyzdyń tóbesinde úıine jetýdi uıǵarǵan», - dep habarlady Kóliktegi polıtsııa departamentiniń baspasóz qyzmetinen.

Atalǵan azamatqa qatysty QR ÁQBtK-niń 560-baby boıynsha 5 AEK kóleminde aıyppul salyndy.

Vıdeodan alynǵan kadr