Almatyda bezgek indetine qarsy zalalsyzdandyrý sharasy bastaldy
Ol entomologııalyq kórsetkishter boıynsha 6 kezeńnen turady. Júrgizilip jatqan sharalardyń tıimdiligin baqylaý ekinshi táýlikte anyqtalady.
Sý aıdyndarynda bezgekke qarsy zalalsyzdandyrý sharalaryn QR Ulttyq ekonomıka mınıstrligine qarasty «Almaty qalasy boıynsha zalalsyzdandyrý ortalyǵy» mekemesi júzege asyrady. Bul jumystarǵa Almaty qalasynyń tutynýshylar quqyǵyn qorǵaý qyzmeti baqylaý jasaıdy.
Esterińizge sala ketelik, Almatyda saıabaqtar men gúlbaqtarynda kenege qarsy zalalsyzdandyrý jumystarynyń ekinshi kezeńi júrgizilip jatyr. Birinshi kezekte «Medeý», «Almaarasan» tabıǵı saıabaqtary, «Býtakovka» shatqaly, «Kóktóbe» saıabaǵy, «Qaraǵaıly» shatqaly jáne «Qarǵaly» mekeni óńdeldi.
Almaty qalasy tutynýshylar quqyǵyn qorǵaý jónindegi Departamentiniń habarlaýynsha, kenege qarsy óńdeý jumystary ústimizdegi jyly 20 maýsymda aıaqtalady.