Almatyda beıbit mıtıng ótkizetin eki oryn belgilenedi

ALMATY. QazAqparat – Elektrondyq úkimet portalynda Almaty qalasy máslıhatynyń «Jınalystar, mıtıngiler, sherýler, pıketter jáne demonstratsııalar tártibin qosymsha retteý týraly» sheshiminiń jobasy jarııalandy, dep habarlaıdy QazAqparat.

Qoǵamdyq talqylaý 8 qazanǵa deıin jalǵasady.

Qujatta aıtylǵandaı, VI shaqyrylymdaǵy Almaty qalasynyń máslıhaty: 1) jınalystar, mıtıngiler, sherýler, pıketter jáne demonstratsııalar ótkizý tártibin; 2) jınalystar, mıtıngiler, sherýler, pıketter men demonstratsııalar ótkiziletin oryndardy bekitý týraly sheshim qabyldady.

Osylaısha, jınalystar, mıtıngiler, pıketter, sherýler men demonstratsııalar úshin eki oryn belgilendi, olar: «Sary Arqa» kınoteatrynyń artyndaǵy alań (4-shaǵyn aýdan) jáne «ıÝjnyı» saıabaǵy (Jarokov kóshesi, Hojanov kóshesiniń buryshy).

Jınalystar, mıtıngiler, sherýler, pıketter men demonstratsııalardyń 18 pýnktten turatyn ótkizý tártibi de anyqtalǵan. Ol týraly myna siltemeden tolyǵyraq bilýge bolady.

Buǵan deıin Almaty qalasynyń ákimi Baqytjan Saǵyntaev Almaty ruqsat etilgen mıtıngterge arnalǵan oryn sany kóbeıedi dep málimdegen bolatyn. Ákim «Saryarqa» kınoteatrynyń aldyndaǵy alańnan basqa azamattardyń beıbit jınalysyn ótkizetin taǵy bir oryndy anyqtaý týraly ótinishpen máslıhatqa júginýge ýáde bergen edi.