Almatyda bes iri zaýyt salynady

ALMATY. QazAqparat - Bıyl Almatyda bes iri óndiris ornynyń qurylys jumystary bastaldy. Tartylǵan ınvestıtsııanyń jalpy kólemi 15,4 mlrd teńge. Bul týraly Almaty qalasy kásipkerlik jáne ınvestıtsııalar basqarmasy habarlady, dep habarlaıdy QazAqparat tilshisi.

Basqarmanyń bergen jaýaby boıynsha, Almatyda jalpy ınvestıtsııa kólemi 11,1 mlrd teńge bolatyn zamanaýı dárilik preparattardy ázirleý jáne shyǵarý boıynsha bıofarmatsevtıkalyq keshenniń qurylysy bastaldy. Ony kelesi jyly iske qosý josparlanyp otyr. Kásiporynda 231 adam jumyspen qamtylmaq.

Sondaı-aq, qalada 1,5 mlrd teńgege armatýralaıtyn tor, kvarts aglomerattary men profıldi qubyrlar shyǵaratyn zaýyt salynýda.

«Ákimshilik ǵımarattyń ekinshi qabatyn qalaý jumystary júrgizilýde. Jer ýchaskesin josparlaý boıynsha jumystar aıaqtaldy. Injenerlik jelilerdi salý bastaldy», - dedi basqarmada. Kásiporyn 2024 jyly iske qosylyp. Jańa 100 jumys orny qurylady.

Úshinshi iri joba – gazdalǵan beton bloktaryn shyǵaratyn zaýyt salý. Investıtsııa kólemi – 1,24 mlrd teńge. Aqparatqa sáıkes, metall konstrýktsııalar men sendvıch-panelderdi montajdaý aıaqtaldy. Qazirgi ýaqytta ınjenerlik jeliler qosylyp, tehnologııalyq jabdyqtardy montajdaý júrgizilýde. Kásiporyn 2022 jyly ashylyp, 30 adam jumysqa ornalasady.

Sondaı-aq, megapolıste kelesi jyly 800 mln teńgege tómen voltty júıeniń elektr tehnıkalyq jabdyqtaryn shyǵaratyn zaýyt salynyp, iske qosylady. Nysanda 50 adam jumyspen qamtylady.

Besinshi iri óndiristiń ashylýy 2023 jylǵa josparlanyp otyr. Qalada 800 mln teńgege lak-boıaý ónimderin shyǵaratyn zaýyt salynyp jatyr. Atap aıtqanda, bastapqy irgesin kóterý jumystary bastaldy. Jumyspen 120 adam qamtamasyz etiledi.