Almatyda basqarma qyzmetkeri zańsyz aǵash kesken kásipkerden 400 myń teńge para alǵan

ALMATY. QazAqparat – Almaty qalasy Jasyl ekonomıka basqarmasynyń qyzmetkeri sybaılas jemqorlyq jasady dep kúdiktelýde. QazAqparat QR Sybaılas jemqorlyqqa qarsy is-qımyl agenttigine silteme jasap.

Almaty qalasy boıynsha sybaılas jemqorlyqqa qarsy qyzmeti sybaılas jemqorlyq qylmys jasady degen kúdikpen «Almaty qalasynyń Jasyl ekonomıka basqarmasy» KMM bas mamanyna qatysty sotqa deıingi tergeýdi bastady.
«Ol, qalanyń jasyl jelek qoryn kúzetýge mindetti bola tura, 2020 jyldyń aqpan aıynda jeke kásipkerdiń ókilinen Jetisý aýdanynyń aýmaǵynda zańsyz aǵash keskeni úshin 400 000 teńge somasynda aqshalaı qarajat aldy dep kúdiktelip otyr», delingen habarlamada.
Kinásin tolyq moıyndaýǵa baılanysty kúdiktini ustaý júzege asyrylmady.
Kúdiktiniń kinálilik dárejesin sot anyqtaıdy.