Almatyda baraholka jumysshylary tekserýden ótip jatyr

ALMATY. QazAqparat - Almatyda jyl saıynǵy «Densaýlyq joly» aktsııasy bastaldy. Dárigerler «ıAlıan» bazarynda baraholka jumysshylaryn tekserýden ótkizip jatyr, dep habarlaıdy QazAqparat tilshisi.

Qazirdiń ózinde dárigerler 100 adamdy qabyldady. Olardyń ishinde bazardaǵy oryn ıeleri, saýdagerler, júk tasýshylar da bar.

Atap aıtqanda, Jetisý aýdanyndaǵy №11 emhana qyzmetkerleri ekspress-zerthana arqyly kelýshilerdiń holesterın men qant deńgeıin tekserip jatyr. Sondaı-aq, flıýra apparaty jumys jasap tur. SPID ortalyǵynan Onkologııalyq ortalyqtan mamandar keldi.

«Bıylǵy aktsııa da 2 aıǵa sozylady. Jumys ornynan kete almaıtyn jumyskerlerdi, bazar qyzmetkerlerin tekserip jatyrmyz. Olardyń arasynan densaýlyǵy nashar adamdardy ary qaraı baqylaýǵa alatyn bolamyz», - dedi Almaty Salaýatty ómir saltyn qalyptastyrý ortalyǵynyń bólim basshysy Gúlsara Esmaǵambetova.

Mamandardyń aıtýynsha, kelýshilerdiń arasynda mindetti medıtsınalyq saqtandyrý jaıynda saýal qoıǵandar óte kóp bolǵan.

«Patsıentter tarapynan saýal kóp. Ásirese, óziniń medıtsınalyq áleýmettik saqtandyrý aıasyndaǵy statýsyn bilmeıtinderge sol jerde anyqtap, túsindirip jatyrmyz», - dedi №11 emhananyń profılaktıka bóliminiń basshysy Sultanova Jıgagúl.