Almatyda «Baraholka» mańynda janjaldasyp qalǵandardyń kim ekeni anyqtalyp jatyr - polıtsııa

ALMATY. QazAqparat - Almatyda «Baraholka» bazary mańynda adamdar janjaldasyp qaldy, dep habarlaıdy QazAqparat tilshisi.

Áleýmettik jelige «Baraholka» bazary mańynda janjaldasyp júrgen adamdardyń vıdeosy shyqty.

«Baraholkanyń janynda túsiniksiz jaǵdaılar bolyp jatyr. Birneshe kún buryn munda Moskvın kóshesinde úlken órt boldy. Almatyda jyl saıyn mindetti túrde bazarlar órtenip turady», - dep jazdy jeli qoldanýshysy.
Atalǵan oqıǵa boıynsha qalalyq polıtsııa departamenti Jetisý aýdanynyń polıtsııa basqarmasy tekserý júrgizip jatqanyn habarlady.
«Aldaǵy ýaqytta oqıǵaǵa qatysqandardyń kim ekeni anyqtalyp, olardyń is-áreketine QR zańnamasyna sáıkes baǵa beriletin bolady», - dep habarlady qalalyq polıtsııa departamentiniń baspasóz qyzmeti.
Eske salsaq, Almatyda «Baraholka» bazary mańynan órt shyqqanyn habarlaǵanbyz.