Almatyda balalardy tegin úıirmelerge tirkeý qashan bastalady
Almaty qalalyq ákimdik taratqan málimetke sáıkes, bıyl 26 sáýirden bastap megapolıste memlekettik shyǵarmashylyq jáne sporttyq tapsyrystardy ornalastyrý úshin jetkizýshilerden ótinim qabyldaý bastalady.
Búginde paıdalanýshylarǵa qosymsha múmkindik pen yńǵaıly jaǵdaı usynatyn www.damubala.kz atty jańa aqparattyq júıege kóshý aıaqtaldy.
«2023 jylǵy 3 naýryzdan bastap Almaty ákimdigi memlekettik shyǵarmashylyq jáne memlekettik sporttyq tapsyrysty iske asyrý úshin ókilettikti aýdan ákimdikterine berdi. Memlekettik tapsyrysty úılestirýdi aýdandarǵa berý baǵdarlamany iske asyrý kezindegi kóptegen kemshilikti aldyn alady. Mysaly, tegin sektsııalar men úıirmelerdi tirkeý jáne durys kórsetpeý faktileri kezdesti»,- dep atap ótti ákimdikten.
26 sáýir kúni saǵat 9:00-den bastap operatorlar baǵdarlamada buryn jumys istegender men jańadan qosylýshylar úshin jetkizýshilerdiń jumysyna kásipkerlerden ótinim tirkeýdi bastaıdy.
Al, 2 mamyrda saǵat 18:00-den bastap ata-analar portaldaǵy úıirmeler men sektsııalarǵa qatysý úshin balalaryn tirkeı alady.
Balalar men jasóspirimderge arnalǵan shyǵarmashylyq úıirmelerde memlekettik shyǵarmashylyq tapsyrysty ornalastyrý jáne olardyń jumys isteý qaǵıdasynyń 12-tarmaǵyna sáıkes, ótinim qaraý jáne vaýcherlerdi bólý operatordyń osy jylǵa arnalǵan bıýdjetinde kózdelgen memlekettik tapsyrys úshin qarajat kólemi tolyq bólingen kezde aıaqtalad
Almaty qalasyndaǵy jetkizýshiler men ata-analar úshin platformany ázirleýshiniń Telegram qoldaý qyzmeti bar.