Almatyda balalar men jasóspirimderdiń halyqaralyq týrıstik ekspedıtsııasy ótedi
«Almataý» týrıstik bazasy aýmaǵynda 2017 jyldyń 25 shildesinen 6 tamyz aralyǵynda «Rýhanı jańǵyrý» baǵdarlamasy men «Meniń Otanym - Qazaqstan» respýblıkalyq ekspedıtsııasy aıasynda Almaty qalasynyń Týrızm jáne syrtqy baılanys basqarmasy Sporttyq týrızm jáne týrıstik kópsaıys federatsııasymen birge balalar men jasóspirimderdiń «Meniń qalam - Almaty» halyqaralyq» týrıstik ekspedıtsııasyn ótkizedi.
«Sharanyń maqsaty - týrıstik qyzmetti jandandyrý, oqýshylar men kolledjder, joǵary oqý oryndary stýdentteriniń arasynda sport pen salaýatty ómir saltynyń negizi retinde týrızmdi keńinen nasıhattaý», delingen habarlamada.
Ekspedıtsııa sharaǵa qatysýshy komandalar arasynda týrıstik joryqtar dárejesi negizinde ótedi.
Ekspedıtsııa baǵdarlamasynda taý bókterlerindegi jarystar, týrnırler men ólke taný sharalary qarastyrylǵan. Bıyl ekspedıtsııanyń bazalyq lageri Іle Alataýy ulttyq parki aýmaǵyndaǵy «Almataý» týrıstik bazasy.
Ekspedıtsııaǵa qatysýǵa mektep oqýshylary, kolledjder men joǵary oqý oryndarynyń stýdentteri, qosymsha bilim júıesiniń, sport mektepteriniń Qazaqstannyń túrli óńirleriniń qoǵamdyq týrıstik birlestikteriniń jáne TMD elderi men sheteldik týrıstik uıymdardyń ókilderi shaqyrylǵan. Bulardyń barlyǵy dárigerlik baqylaýdan ótkender jáne týrıstik tájirıbe jınaqtaǵandar.
Qatysýshy komandalarǵa tıisti sertıfıkattar, jeńimpazdarǵa dıplomdar men gramotalar tabystalady. Ekspedıtsııalyq joryqty oıdaǵydaı júzege asyrǵandar da marapattalady.
Týrıstik shara «Almataý» týrıstik bazasynda 26 shildede saǵat 18.00-de ashylady. Saltanatty jabylýy 6 tamyzda ótedi.