Almatyda balalar aýrýhanasynda 2 ottegi stansasy ashylady

ALMATY. QazAqparat – Almatyda balalar aýrýhanasynda 2 ottegi stansasy ashylady. Qalalyq balalar klınıkalyq juqpaly aýrýlar aýrýhanasynyń bas dárigeri Erjan Seralın onlaın brıfıng barysynda osylaı málim etti, dep habarlaıdy QazAqparat tilshisi.

Almatyda balalar aýrýhanasynyń COVID-19 indetine qarsy jabdyqtalýy jaıly onlaın brıfıng ótti.

Erjan Seralınniń aıtýynsha, qazir aýrýhanada kólemi 8 lıtr bolatyn 25 ottegi kontsentratory bar.

«Kelesi aıda ákimdiktiń kómegimen 125 kontsentrator jetkiziledi. Sonymen qatar, eki ottegi stansasy salynady. Bul bizdiń barlyq aýrýhanamyzdy qamtýǵa múmkindik beredi», - dedi ol.

Aýrýhananyń jansaqtaý bóliminde 12 tósek bar. Barlyq oryn ÓJJ apparatymen qamtylǵan.

«Bolashaqta taǵy 6 apparat satyp alýdy josparlap otyrmyz. Budan basqa, respıratorlyq qoldaýǵa muqtaj patsıentter úshin árbir palatada ottegi núkteleri bar, qosymsha jyljymaly ottegi apparattaryn paıdalanamyz, barlyq patsıentter tıisti deńgeıde qamtamasyz etilgen», - dedi ol.