Almatyda BALAFEST festıvali ótti
Balalardy qorǵaý kúnine oraı uıymdastyrylǵan bul merekelik sharanyń qorytyndy kezeńine 1200 bala qatysty.
Festıval baǵdarlamasy tanymdyq oıyndardy, sporttyq estafetalardy, sheberlik synyptar men kórmelerdi, kvestter jáne teatr qoıylymdary sııaqty kóptegen is-sharany qamtydy.
Ár aımaqta qolóner (kraft) oıyndary, poetıkalyq battl, plastmassany usaqtaý boıynsha jarys (bótelke qaqpaqtary), beıneleý óneri boıynsha sheberlik sabaǵy uıymdastyryldy.
Festıval qala oqýshylaryn, ata-analary men pedagogtaryn biriktirdi jáne ár bala úshin naqty múmkindikter keńistigine aınaldy.
Balalar úshin fotoaımaq uıymdastyryldy, onda árkim tanymal sýretshilermen, sportshylarmen, qolónershilermen, ártistermen sýretke túsýge múmkindik alady.
Basty alańda 2023 jyldyń halyqaralyq jáne respýblıkalyq zııatkerlik olımpıadalardyń 60 altyn medal ıegeri marapattaldy.
Atalǵan jetistikter arqyly Almaty qalasynyń qurama komandasy 18 jyl qatarynan «QR eń úzdik olımpıada komandasy» atanyp keledi.
Festıval aıasynda estrada juldyzdary, balalar horeografııalyq ujymdary men «Juldyzdy sát» qalalyq baıqaýy vokalısteriniń qatysýymen merekelik kontsert ótti.
Aıta keteıik, «Almaty BALAFEST» festıvali alǵash ret Memleket basshysynyń qatysýymen 2022 jyly Balalar jyly aıasynda ótken bolatyn.