Almatyda balabaqsha kezeginde 43 myńnan astam bala tur

ALMATY. QazAqparat - Almaty balabaqshalarynda oryn tapshy. Búgingi kúni mektepke deıingi bilim mekemesiniń kezeginde 42 460 bala tur. Bul týraly brıfıng barysynda qalalyq bilim basqarmasynyń mektepke deıingi bilim berý bóliminiń basshysy Álııa Saǵıeva málim etti, dep habarlaıdy QazAqparat tilshisi.

Spıkerdiń sózinshe, megapolıste 910 mektepke deıingi uıym bar. Onyń 193 -i memlekettik bolsa, qalǵan 717 -i jekemenshik balabaqsha.
«Qalada mektepke deıingi bilim berý salasyndaǵy negizgi problema- balabaqashalardaǵy oryn tapshylyǵy. Qazir 42 460 bala kezekte tur. 2 jastan 6 jasqa deıingi balalardy mektepke deıingi tárbıemen jáne oqytýmen qamtý 71,9%, 3-6 jas aralyǵyndaǵy balalardy oqytýmen qamtý 92,9%»,- dedi ol.
Aıtýynsha, qazirgi ýaqytta jekemenshik balabaqshalarǵa memlekettik bilim berý tapsyrysy boıynsha qarjy bólinip otyr.
«610 jekemenshik balabaqshada 38 968 oryn ornalastyrylǵan. Ár balaǵa memlekettin 41197 teńge bólinip otyr»,- dep atap ótti spıker.
Sonymen qatar, ol «Jas qanat» shaǵyn aýdanda 280 oryndyq balabaqshanyń qurylysy júrip jatqanyn atap ótti.
«Almatyda 2023 jyly memlekettik 720 oryndyq 3 balabaqsha. 2024 jyly 5 balabaqsha, 2025 jyly 2 mektepke deıingi bilim mekemesiniń salý jospardy»,- dedi Álııa Saǵıeva.