Almatyda bala quqyǵyna qatysty halyqaralyq ǵylymı-praktıkalyq konferentsııa ótip jatyr
Ǵylymı is-shara Halyqaralyq balalardy qorǵaý kúnine oraı uıymdastyrylǵan jáne Memleket basshysynyń balalar men áıelderdi otbasylyq-turmystyq jáne seksýaldyq zorlyq-zombylyqtan qorǵaý, sondaı-aq sýıtsıdtik minez-qulyqtyń aldyn alý máseleleri boıynsha tapsyrmalaryn iske asyrýǵa baǵyttalǵan.
Konferentsııa jumysyna Prezıdenttiń kómekshisi – QR Qaýipsizdik Keńesiniń hatshysy Áset Isekeshev, QR Parlamenti Senatynyń depýtaty Dana Nurjigit, QR Parlamenti Májilisiniń depýtaty Dınara Zakıeva, Іshki ister mınıstri Erlan Turǵymbaev, QR Bas prokýrorynyń orynbasary Áset Chındalıev, QR Bilim jáne ǵylym vıtse-mınıstri Bıbigúl Asylova, QR Bala quqyqtary jónindegi ýákil Arýjan Saın, «Talap» qoldanbaly zertteýler ortalyǵynyń dırektory Rahym Oshaqbaev, sondaı-aq Bilim jáne ǵylym mınıstrliginiń, zań qoǵamdastyǵynyń, úkimettik emes uıymdardyń, joǵary oqý oryndarynyń ókilderi, QR ІІM polıtsııa jáne qylmystyq-atqarý júıesi departamentteriniń basshylary qatysýda.
Konferentsııanyń kún tártibinde kámeletke tolmaǵandarǵa qatysty quqyq buzýshylyqtar úshin jaýapkershilikti retteıtin zańnamany jetildirý ; balalardy qorǵaýdaǵy vedomstvoaralyq tásil; kámeletke tolmaǵandardy ekstremıstik uıymdarǵa tartýǵa qarsy is-qımyl; balalarǵa qatysty zorlyq-zombylyqty joıý strategııalary; ómirlik daǵdarystyq jaǵdaıǵa tap bolǵan kámeletke tolmaǵandarǵa psıhologııalyq kómek kórsetý máseleleri qaralady.
Sońǵy jeti jylda qabyldanǵan zańnamalyq jáne uıymdastyrýshylyq sharalar kesheni kámeletke tolmaǵandarǵa qatysty qylmystyq quqyq buzýshylyqtar deńgeıin bes esege tómendetýge múmkindik berdi.
Konferentsııaǵa qatysýshylar aldynda sóz sóılegen ІІM basshysy balalarǵa qatysty qylmys jasaý sebepterine toqtaldy. Kóbinese olar otbasyndaǵy qolaısyz psıhologııalyq jaǵdaımen, ata-analardyń ómir súrý saltymen, turmystyq tártipsizdiktermen, balalardyń qaraýsyzdyǵymen baılanysty ekenin atap ótti.
2020 jyly:
– Balalardyń terezeden qulaýynyń 108 faktisi (18 bala qaza tapty).
– Kámeletke tolmaǵandardyń óz-ózine qol jumsaýynyń 449 faktisi (árbir ekinshi jaǵdaıdyń sebebi anyqtalmady, óıtkeni janjal otbasy ishinde oryn alady).
– Jynystyq qolsuǵylmaýshylyqqa qarsy 825 qylmys (olardyń 80% – yn jaqyn ortadaǵy adamdar – ákeler, ógeı ákeler, týystar, kórshiler jáne tanystar jasaǵan). – JKO-da balalardyń qaza bolýynyń 183 faktisi tirkelgen.
«Mundaı statıstıka qoǵamda jáne jaýapty memlekettik organdarda alańdaýshylyq týǵyzbaýy múmkin emes. Balanyń jasyna baılanysty oǵan qatysty jasalǵan áreketterdiń zańsyzdyǵyn túsiný qıyn. Sondyqtan memleket, ýákiletti quqyq qorǵaýshylar jáne qoǵam jumylý kerek. Sebebi balalar – qoǵamnyń eń qorǵansyz bóligi jáne olardyń baqytty ári qaýipsiz balalyq shaqtaryn qamtamasyz etý úshin barlyq sharalardy qabyldaý bizdiń mindetimiz, – dedi Erlan Turǵymbaev.
ІІM basshysy konferentsııaǵa qatysýshylardy aǵymdaǵy máselelerdi ashyq talqylaýǵa shaqyrdy, bul balalarǵa qatysty zorlyq-zombylyqqa qarsy is-qımyldyń tıimdi tetikterin birlesip ázirleýge múmkindik beredi.
Ol sondaı-aq Іshki ister mınıstrligi jańa ıdeıalar men syndarly usynystar úshin, ǵylymı qoǵamdastyqpen, sondaı-aq azamattardyń, ásirese kámeletke tolmaǵandardyń quqyqtaryn qorǵaý salasyndaǵy azamattyq qoǵam ınstıtýttarymen yntymaqtastyq úshin árdaıym ashyq ekenin atap ótti.
Aıta keteıik, shara QR ІІM Maqan Esbolatov atyndaǵy Almaty akademııasy «TALAP» qoldanbaly zertteýler ortalyǵynyń uıymdastyrýymen ótýde.
Іs-sharanyń nátıjeleri boıynsha konferentsııanyń barlyq qatysýshylarymen maquldanǵan qarar daıyndaldy.
Foto: polisia.kz