Almatyda «Baqytty otbasy» ortalyqtarynda 15 myń adam turaqty qoldaý aldy
Ortalyqtyń maqsaty – áleýmettik jaǵdaıy tómen otbasylardyń ómir sapasyn arttyrý, olardyń ekonomıkalyq derbestigin nyǵaıtý jáne Almaty qalasynda turatyn azamattardyń qıyn ómirlik jaǵdaılardan shyǵýlaryna jeke motıvatsııa berý.
«15 myńnan astam adam turaqty qoldaý alady. Qarjylyq múmkindikter áıelder men otbasylardyń jaǵdaıyna baılanysty ózgerip otyrady. Biz kún saıyn aqparatty qarap, ataýly áleýmettik kómek taǵaıyndaıtyn Áleýmettik ál-basqarmasyna jiberip otyramyz. Ataýly áleýmettik kómekti ómirlik qıyn jaǵdaıǵa tap bolǵan jáne osy baǵdarlamanyń talaptaryna sáıkes keletin kez kelgen otbasy ala alady», - dep atap ótti Z.Baısakova.
Ortalyqtarda ártúrli formatty kómek kórsetiledi. Búginde ortalyqtarǵa 33 myńnan astam adam tirkelgen. 54 myń adamǵa kómek kórsetildi - bul aqparattyq-konsýltatsııalyq, resýrstyq qoldaý, 29 myńnan astam - ádistemelik jáne zań kómegi, 4 myńnan astam adam ana men balaǵa arnalǵan salaýatty ómir salty kabınetiniń jumysymen qamtamasyz etildi. Ortalyqtyń negizgi trenıngterinen 29 myń adam ótti.
Atalǵan ortalyqtarda kópbalaly jáne az qamtylǵan otbasylar tegin keńes ala alady:
–Turǵyn úı qatynastary, AÁK rásimdeý, qujattardy, alımentterdi qalpyna keltirý jáne t.b. máseleler boıynsha zańgerlerden;
– Bala tárbıesi máselesi, trenıngter ótkizý, ómirlik qıyn jaǵdaılardan shyǵý, otbasy ishindegi urys-kerister jáne t.b. boıynsha psıhologtardyń keńesi;
– Otbasy talabyn anyqtaý jáne jumystyń jeke josparyn qurý boıynsha áleýmettik qyzmetkerdiń;
– 2 aılyq baladan bastap, 5 jasqa deıingi balalardy qabyldap, balalardyń densaýlyǵyna baılanysty jıi kezdesetin problemalarǵa (dıareıa, bezgek, qulaq jáne tamaqqa qatysty qıyndyqtar jáne t.b.) baılanysty aldyn alý áńgimelesýler júrgizetin joǵary sanatty pedaıatrdyń kómegin ala alady.
Sonymen qatar, «Baqytty otbasy» ortalyqtarynda aǵylshyn tilin úırený, vızaj, massaj, shashtaraz isi, pishý jáne tigý, gımnastıka, aspaz, toqý, sómkeler tigý, kompıýterlik kýrstar, sondaı-aq art-terapııa, gımnastıka, matematıka jáne logıka, shahmat, aǵylshyn tili, toqý, logoped kýrstary ótedi.
Sondaı-aq, kópbalaly jáne az qamtylǵan otbasylar onlaın nemese telefon arqyly zańger, psıholog, úılestirýshi jáne HR-menedjerlerden keńes ala alady. Analar men balalarǵa arnalǵan master-klasstar, oqytý kýrstary WhatsApp messendjerlerinde jáne Instagram áleýmettik jelisinde tikeleı translıatsııa arqyly onlaın ótkiziledi.