Almatyda BAIQONYR kınofestıvali ótedi
Ár jyldary Qazaqstannan jáne álemniń túkpir-túkpirinen: Tbılısıden ıAkýtııaǵa, Tashkentten Lıssabonǵa deıin 85 kınematografıst BAIQONYR-dyń laýreattary atanǵan. Osy jyly byltyrǵy Qazaqstan kınosynshylary qaýymdastyǵynyń ulttyq syılyǵynyń jeńimpazdaryn marapattaý rásiminde BAIQONYR-dyń prezıdenti Ánýar Kenjebaev «Festıval qozǵalysyna qosqan úlesi úshin» arnaıy syılyǵynyń ıegeri boldy. Bul – festıval bedeliniń ósýiniń jarqyn kórsetkishi.
Festıvaldiń taǵy bir ereksheligi – osy jyldar ishinde kınofestıval memlekettiń qarjylyq qoldaýynsyz ótkizilip keledi. 6 qyrkúıekte festıval Darhan Tólegenovtyń «Aǵaıyndylar» fılmimen ashylady. Bul –shyǵarmashylyq jolyn «Baıqońyrdan» bastaǵan rejısserdiń tolyqmetrajdy debıýti. Kartına sheteldik festıvaldarda birneshe marapatqa ıe boldy, olardyń ishindegi eń mańyzdysy – Germanııadaǵy bedeldi Oldenburg International Film Festival qazylar alqasynyń arnaıy júldesi.
Týyndy osy jyldyń kúzinde prokatqa shyǵady dep josparlanǵan.
«Darhan Tólegenovtyń «Aǵaıyndylar» fılminen basqa, bizde Mıhaıl Kýlýnakovtyń «Soqpaq» fılminiń konkýrstan tys kórsetilimi bolady. Eki rejısser de kezinde bizdiń qysqametrajdy fılmder baıqaýyna qatysqan. Endi bizge tolyqmetrajdy debıýtterimen qaıta oralyp otyr. Meniń oıymsha, bul – óte jaqsy belgi», - deıdi Baiqonyr kınofestıvaliniń baǵdarlamalyq dırektory Erjan Jumabekov.
Bıyl sonymen birge BAIQONYR aıasynda jeke anımatsııalyq kınofestıval – ALMATY ANIMATION FESTIVAL ótedi. Kórermender «ARMAN» kınoortalyǵynda kóretin jalpy konkýrstyq baǵdarlama kelesideı:
- BAIQONYR festıvali, onyń ishinde halyqaralyq kórkem jáne derekti qysqametrajdy fılmder baıqaýy (6 elden 18 fılm) jáne ulttyq kórkem jáne derekti qysqametrajdy fılmder baıqaýy (20 fılm);
- ALMATY ANIMATION FESTIVAL festıvali, onyń ishinde negizgi baıqaý (21 fılm, 4 el, sondaı-aq Reseı, Frantsııa jáne Kanada birlesip shyǵarǵan fılm) jáne halyqaralyq stýdenttik anımatsııalyq fılmder baıqaýy (23 týyndy). Konkýrstan tys baǵdarlama da bar. Kınofestıval aıasynda TMD elderiniń kınotanýshylary men synshylarynyń II forýmy ótedi, onyń jumysyna ártúrli elderden 20-dan astam maman qatysady.
Bilim berý baǵdarlamasy keńinen usynylǵan: tanymal sheberlerdiń dáristeri, kınoındýstrııanyń ózekti máseleleri boıynsha dóńgelek ústelder, jańa jobalardyń tusaýkeserleri. Konkýrstan tys baǵdarlamanyń mańyzdy oqıǵasy 8 qyrkúıekte ótetin Koreı anımatsııalyq kıno kúni bolmaq. Ol koreı-qazaq anımatsııasynyń úlken arnaıy jobasy aıasynda ótkiziledi.
Koreı tarapynan seriktes Pýchhondaǵy Halyqaralyq anımatsııa festıvali (BIAF). Іs-sharaǵa Ońtústik Koreıadan anımatsııalyq rejısserler Lı Son Gan men Im Cherın keledi. Olar óz jumystaryn usynyp, kórermenderdiń suraqtaryna jaýap beredi.
Sonymen qatar, Cherın dáris oqıdy, al Lı Son Gan qazaqstandyq jas avtorlarǵa sheberlik sabaǵyn ótkizedi. Kınorejısserlarmen birge K-pop mýzykasynyń ósip kele jatqan juldyzy Pek A En-de keledi, ol fılmderdiń birinde basty keıipkerdi dybystaǵan. K-pop janrynyń jankúıerlerin úlken tosyn syı kútip tur – olar Pek A Enniń eki ánin jandy daýysta tyńdaı alady.