Almatyda azyq-túlik qory jetkilikti - ákimdik

ALMATY. QazAqparat – Almatyda 3,5 aıǵa jetkilikti azyq túlik qory bar. Bul týraly búgin ákimdikte ótken brıfıng barysynda qala ákiminiń orynbasary Saparbek Tuıaqbaev aıtty, dep habarlaıdy QazAqparat tilshisi.

Sheneýnik qala bıliginiń azyq túlikpen qamtamasyz etý, jalpy bıznes salasyn turaqtandyrý boıynsha is sharalary týraly aıtyp berdi.

«Bul jerde áleýmettik mańyzy bar azyq túlikpen qalany qamtý jumysy qolǵa alynyp jatyr. Jalpy qala turǵyndary aıyna 72 myń tonna azyq túlik tutynady. Qazir biz turaqtandyrý qory arqyly 18 myń tonna azyq túlik daıyndadyq. Onyń ishinde qant, maı, qaraqumyq, kókónis taýyq eti taǵy basqa azyq túlikterdi aıtýǵa bolady.

Kórshi óńirlerdiń jáne qala óndirýshilerimen kelisimshart jasalyp, 3,5 aı ishinde qalany túgel qamtýǵa qor jabdyqtaldy. Onyń ishinde jeke kásipkerlerdiń saýda júıeleri, logıstıkalyq kompanııanyń qorlary bar», - dedi Saparbek Tuıaqbaev.

Onyń aıtýynsha, azyq-túlik satatyn dúkenderdiń saýdasy 2,5 ese ósken.

«Áleýmettik jelilerde keı aqparat taralyp jatyr. Keshe búginniń ózinde azyq túlik salasyndaǵy dúkenderdiń saýdasy 2,5 ese ósken. Bul kúndelikti bolatyn jaǵdaı emes, 1-2 kúnde tynyshtalady. Degenmen qalanyń qoımasynda, saýda júıelerinde 3,5 aıǵa jetkilikti taýar bar. Tapshylyq 1-2 saǵattyq tapshylyq. Óıtkeni, adamdardyń kópshiligi qajettiliginen de kóp taýar satyp alyp jatyr. Qazir ol másele sheshilgen. Tıisti taýarlar bári der kezinde jetkizilip otyr»,- dedi Saparbek Tuıaqbaev.