Almatyda azyq-túlik ınflıatsııasy 2 ese tómendedi

ALMATY. QazAqparat- Almaty ákimdiginiń ınflıatsııany báseńdetý boıynsha qabyldaǵan sharalary oń nátıje kórsetip otyr. Bul týraly Almaty ákimi Erbolat Dosaev 18 tamyz kúni Qazaqstan Prezıdenti Qasym-Jomart Toqaevqa esep berý barysynda aıtty, dep habarlaıdy QazAóparat tilshisi.

Qala basshysy naryqty qanyqtyrý jáne retteý azyq-túlik ınflıatsııasy qarqynyn 2023 jylǵy qańtardaǵy 24,3%-dan 11,7%-ǵa deıin tómendetýge múmkindik bergenin atap ótti.

«Jyldyq kórsetkish - 14,2 paıyz. Aǵymdaǵy ınflıatsııa deńgeıiniń eń mańyzdy faktorlary - bıyl jyldyń basynan bastap janar-jaǵarmaı baǵasynyń ósýi jáne 2023 jyldyń 1 shildesinen bastap «Tarıfti ınvestıtsııaǵa aıyrbastaý» saıasatyn iske asyrý boldy», – dep atap ótti Almaty ákimi Erbolat Dosaev.

Baıqalǵan úrdisterdi eskere otyryp, 2023 jyldyń qorytyndysy boıynsha megapolıs ekonomıkasynyń ósýi 5,5% deńgeıinde kútilip otyr.