Almatyda azyq-túlik baǵasyn turaqtandyrýǵa qosymsha qarjy bólindi

ALMATY. QazAqparat- Almaty ákimi Erbolat Dosaev qaladaǵy azyq-túlik baǵasyn turaqtandyrý úshin qansha qarajat jumsalatynyn aıtty, dep habarlaıdy QazAqparat tilshisi.

«Azyq-túlik naryǵyndaǵy qalyptasatyn jaǵdaıdy jáne baǵanyń ósýin eskere otyryp, áleýmettik mańyzy bar azyq-túlik taýarlaryna baǵany turaqtandyrý maqsatynda buryn bólingen 11 mlrd teńgege qosymsha 4 mlrd teńge bólinedi. Bul qarajat qant, nan, et, kókónis pen sút ónimderiniń baǵasyn turaqtandyrýǵa múmkindik beredi», - dedi qala ákimi máslıhat otyrysynda.

Buǵan deıin megapolıste qant baǵasy sharyqtap ketkeni týraly jazǵan bolatynbyz.

https://www.kazinform.kz/kz/almatyga-zhetkiziletin-kant-kolemi-ulgaytyldy_a3946497

Qantqa degen suranysty óteý maqsatynda kásipkerlik jáne ınvestıtsııalar basqarmasy ónimdi jetkizý kólemin arttyrǵan.

Almatyǵa kúnine 300-500 tonna qant jetkizilip jatyr.