Almatyda azamattyq qoǵam máseleleri talqylandy

ALMATY. QazAqparat - Almatyda «Damý tarıhy: Іshten kózqaras» H halyqaralyq Azamattyq qoǵam konferentsııasy ótip jatyr, dep habarlaıdy QazAqparat tilshisi.

«Azamattyq qoǵamdy damytý qaýymdastyǵy» zańdy tulǵalar lıgasynyń bastamasymen ótip jatqan jıynda basty maqsat - aımaqtaǵy demokratııalyq dástúrlerdiń nyǵaıtýǵa kúsh salý bolyp otyr.

«Elde úkimettik emes uıymdardyń jelisi 3 esege artqan. Qazir Qazaqstanda 20 myń beıresmı uıym tirkelip, jumys istep jatyr. Bul azamattyq qoǵamnyń damýy qarqyndy júrip jatyr degendi, bıliktiń azamattyq qoǵammen baılanysy bar, dástúrli dıalog alańdary bar ekenin bildiredi», - dedi QR Aqparat jáne qoǵamdyq damý mınıstrliginiń Azamattyq qoǵam isteri komıtetiniń tóraıymy Álııa Ǵalymova.

Qyrǵyzstannyń eks-prezıdenti, qoǵam qaıratkeri Roza Otynbaeva Ortalyq Azııa álemdegi mańyzdy geosaıası ýchaske ekenin aıtty.

«Bizdiń árqaısymyz eren tulǵamyz, biraq biz biriksek qana kúshtimiz. Azamattyq qoǵamdy damytý jobasy Ortalyq Azııada azamattar qaýymdastyǵyn qurýǵa múmkindik beredi», - dedi R. Otynbaeva.

Atalǵan jıynda Ortalyq azııa, TMD, AQSh halyqaralyq uıymdarynyń, jergilikti úkimettik emes uıymdardyń 250 ókili qatysyp jatyr.

Forým barysynda Ortalyq Azııadaǵy azamattyq qoǵam ókilderine beriletin Amazing People Prize syılyǵy tapsyrylady.