Almatyda aıyppuly eki mıllıon teńgeden asyp ketken Audi júrgizýshisi ustaldy
Almaty qalalyq polıtsııa departamentiniń málimetinshe, Reseıde tirkelgen Audi kóliginiń júrgizýshisi jol erejesin 92 ret buzǵan. Aıyppuldyń jalpy somasy – 2 289 306 teńge.
«Bul zańbuzýshylyq qalanyń beınejúıeleri arqyly tirkeldi. Júrgizýshi kóbinese jyldamdyqty asyrǵan. Ony «Qorǵaý – qaýipti júrgizýshi» avtomattandyrylǵan júıesi arqyly anyqtap, ustadyq. Jyl basynan beri «Qorǵaý – qaýipti júrgizýshi» kesheni qala joldarynda 3 501 quqyqbuzýshylyqty anyqtady, – deıdi Almaty qalalyq PD jergilikti polıtsııa qyzmeti basqarmasynyń bastyǵy Erjan Uzabaev.
Polıtsııa ókiliniń aıtýynsha, bir kún buryn shetelde tirkelgen taǵy eki kólik ustaldy. Júrgizýshilerdiń árqaısysyna zań buzǵany úshin 800 myń teńgedeı aıyppul salynǵan. Kólikter mamandandyrylǵan aıyppul turaǵyna qoıyldy.