Almatyda «Aıqyn 1941. Tarıhshylar paıymdaýy» atty kitaptyń tusaýkeseri ótti

ALMATY. 14 sáýir. QazAqparat /Áıgerim Ámir/ - Búgin Ál-Farabı atyndaǵy QazUÝ-dyń áskerı kafedrasynda professorlar V.K.Grıgorev pen L.S.Ahmetovanyń «Aıqyn 1941. Tarıhshylar paıymdaýy» atty kitabynyń tusaýkeseri ótti.

Bıyl Uly Jeńistiń 66 jyldyǵy atalyp ótiledi. Kitap osy mereıtoı aıasynda jaryq kórip otyr.

Kitapta - HH ǵasyrdyń negizgi oqıǵalary, jeke tulǵa men qoǵam, etnos jáne ulttyq qaýipsizdik, saıasat jáne ıdeologııa, psıhologııa men moral, mádenıet pen din arasyndaǵy qaqtyǵystar qamtylǵan. Eń bastysy avtorlar munda soǵystyń tek alǵashqy jyly, ıaǵnı 1941 jyldaǵy oqıǵa jelisin ashýǵa tyrysqan. Kitap mazmunynyń bári oqıǵa kýágerleriniń estelikterinen jınaqtalyp, basylyp shyqqan.

Kitaptyń avtory, tarıhshy, jýrnalıst jáne qoǵam qaıratkeri, professor L.S.Ahmetovanyń aıtýynsha, kitap 15 ózekti degen suraqqa jaýap berýge tyrysqan. Eń bastysy munda olar 1941 jylǵy Brest-Máskeý janyndaǵy oqıǵalarǵa joǵary kóńil bólgen.