Almatyda aıaǵy aýyr kelinshek turǵyn úıdiń 8-qabatynan sekirip ketti

ALMATY. QazAqparat- Almatydaǵy «Alma sıtı» turǵyn úı kesheninde aıaǵy aýyr kelinshek sýıtsıd jasady. Ol úıdiń 8-qabatynan sekirip ketken, dep habarlaıdy QazAqparat tilshisi.

Almaty qalalyq polıtsııa departamenti qaıǵyly oqıǵany rastady.

«Almaty qalalyq polıtsııa departamenti atalǵan derekti Naýryzbaı aýdandyq polıtsııa basqarmasy QR QK-niń 105-baby boıynsha sotqa deıingi tergeýdiń biryńǵaı tizilimine tirkegenin habarlaıdy. Sot-medıtsınalyq saraptama taǵaıyndaldy. Oqıǵanyń sebebi men basqa da mán-jaılary anyqtalýda»,- dep atap ótti qalalyq polıtsııa departamentiniń baspasóz qyzmeti.

Eske sala keteıik, byltyr qarasha aıynda «Jetisý» shaǵyn aýdanynda kópqabatty úılerdiń biriniń terezesinen 28 jastaǵy áıel men onyń 2015, 2016 jáne 2019 jyly týǵan úsh kishkentaı balasy 9-qabattyń terezesinen sekirip ketken edi.

Áıel men eki balasy oqıǵa ornynda kóz jumdy. Taǵy bir bala jedel járdem kóliginde qaıtys boldy.