Almatyda AvtoHQO-lar nege jumys istemeı tur

ALMATY. QazAqparat - «Azamattarǵa arnalǵan úkimet» memlekettik korporatsııasy» KE AQ Almaty qalasy fılıaly qalada AvtoHQO-lardyń áli iske qosylmaýynyń sebebin jarııalady, dep habarlaıdy QazAqparat tilshisi.

12 qańtardan bastap elimizde, úsh óńirdi qospaǵanda, avtokólik ıelerine memlekettik qyzmetter kórsetetin mamandandyrylǵan HQO-lar jumys isteı bastady.

Jumys kestesi – saǵat 9.00-den 18.00-ge deıin (dúısenbi-juma aralyǵynda).

«Ázirge Almaty qalasynyń avtoHQO-lary jumys istemeı tur. Sebebi, búlikshilik áreketterdiń osy óńirde kóbirek bolǵany málim. Sondyqtan, Almatydaǵy QR ІІM Ákimshilik polıtsııa komıtetiniń qyzmetkerleri basqa mindetterdi oryndaýǵa jumyldyrylyp otyr. Sol sebepti avtokólik ıelerine mamandandyrylǵan HQO-larda qyzmet kórsete almaımyz. Bul jaǵdaıǵa túsinistikpen qaraýdy suraımyz»,- dedi «Azamattarǵa arnalǵan úkimet» memlekettik korporatsııasy Almaty qalasy fılıalynyń dırektory Ermek Bekjúnisov.

Sondaı-aq, ol avtokólikti Kaspi jáne Halyk Homebank bank qosymshalary arqyly qaıta resimdeýge bolatynyn atap ótti. «Ázirshe osy servısterdi paıdalanýǵa keńes beremin», - dedi ol.