Almatyda avtobýs júrgizýshileriniń kinásinen 2 adam kóz jumyp, 38-i jaraqat aldy
Almaty qalasynda 21 aqpan men 2 naýryz aralyǵynda «Avtobýs» jedel-aldyn alý is-sharasy ótti.
Qalalyq Polıtsııa departamenti Ákimshilik polıtsııa basqarmasynyń bastyǵy Nurlan Amanbektiń sózinshe, jol qozǵalysy erejelerin óreskel buzýdy toqtatý boıynsha jumys kúsheıtildi. Sonyń ishinde, kólikti mas kúıinde jáne belgilengen jyldamdyqtan asyra aıdaý, sondaı-aq erejelerdi buzý: basyp ozý, manevr jasaý, jol qıylystary men jaıaý júrginshiler ótkelderi arqyly júrý, qarsy baǵytqa shyǵý. Jolaýshylar kóligi júrgizýshileriniń jol qozǵalysy erejelerin buzý derekteri, ákimshilik zańnamaǵa sáıkes jaýapkershilikke tartý úshin foto jáne beıne tehnıkalyq quraldardy qoldaný arqyly tirkeledi.
«Qabyldanǵan sharalarǵa qaramastan, avtobýs júrgizýshileri Qazaqstan Respýblıkasynyń jol qozǵalysy erejelerin buzýǵa, sonyń ishinde adam ólimine ákep soqtyratyn jol-kólik oqıǵalaryna jol berip otyr. 2022 jyldyń bir aı 20 kúninde qoǵamdyq kólik júrgizýshileri 35 jol-kólik oqıǵasyn jasap, sonyń saldarynan eki adam kóz jumdy, taǵy 38 adam jaraqat aldy»,- deıdi polıtsııa ókili.
Nurlan Amanbektiń aıtýynsha, aktsııa aıasynda jolaýshylar kóligi uıymdarynyń basshylarymen, jolaýshylar kóligindegi jol qaýipsizdigi máseleleri boıynsha múddeli qyzmettermen birqatar kezdesýler ótkizildi.
«Sonymen qatar, kóliktik baqylaý ınspektsııasy men jol qaýipsizdigi ınjenerlerin tarta otyryp, kólik quraldarynyń tehnıkalyq jaı-kúıin baqylaý, avtobýstardyń kásiporyndardan, avtovokzaldardan, ózdiginen júretin avtoturaqtardan shyqqanda jol aldyndaǵy tehnıkalyq jáne medıtsınalyq tekserýden ótýi jáne t.b. uıymdastyryldy.
Zańsyz jabdyqtalǵan avtobýstardy, sondaı-aq tehnıkalyq jaǵdaıy men konstrýktsııasy qozǵalys qaýipsizdiginiń belgilengen talaptaryna sáıkes kelmeıtin avtobýstardy (taksılerdi) paıdalanýǵa tyıym salý, kinálilerdi, onyń ishinde osyndaı kólikterdi jelige shyǵarǵan laýazymdy tulǵalardy ákimshilik jaýapqa tartý týraly sheshim shyǵaryldy», – dedi ol.