Almatyda avtobýs qaǵyp ketken jaıaý júrginshiniń jaǵdaıy óte aýyr - basqarma

ALMATY. QazAqparat - Almaty qalalyq qoǵamdyq densaýlyq saqtaý basqarmasy avtobýs qaǵyp ketken eki jaıaý júrginshiniń biriniń jaǵdaıy týraly aıtty, dep habarlaıdy QazAqparat tilshisi.

«Naýqas Almatydaǵy №7 qalalyq klınıkalyq aýrýhanasynyń reanımatsııa, anestezıologııa jáne ıntensıvti terapııa bólimine jatqyzyldy. Qazirgi ýaqytta naýqastyń jaǵdaıy óte aýyr, komada (1 dárejeli), jasandy tynys alý apparatyna qosyldy. Barlyq qajetti tekserýler men emdeý tolyq kólemde júrgizilýde», - dep habarlady qalalyq densaýlyq saqtaý basqarmasynyń baspasóz qyzmeti.

Eske salaıyq, 9 qyrkúıek kúni jolaýshylar avtobýsynyń júrgizýshisi Abaı dańǵylymen batys baǵytta, Saın kóshesinen batysqa qaraı kele jatyp, jaıaý júrginshiler jolynan ótip bara jatqan eki adamdy qaǵyp ketti. Saldarynan 1958 jyly týǵan er adam oqıǵa ornynda kóz jumdy. Jol apatynyń vıdeosy áleýmettik jelide tarady.