Almatyda aýyl sharýashylyǵy jármeńkesi ótedi

ALMATY. QazAqparat - 4-5 aqpanda Almatynyń 5 aýdanynda aýyl sharýashylyǵy ónimderiniń jármeńkesi ótedi, dep habarlaıdy QazAqparat tilshisi.

Aldaǵy demalys kúnderi saǵat 8:00-den 17:00-ge deıin Almaty oblysynyń sharýa qojalyqtarynyń jáne Almaty qalasynyń azyq-túlik kásiporyndarynyń qatysýymen aýyl sharýashylyǵy jármeńkesi ótedi.

Jármeńkeler myna mekenjaılarda ornalasqan:

Almaly aýdany (Gogol kóshesi - Masanchı kóshesi);

Bostandyq aýdany (Qazaqfılm shaǵyn aýdany);

Áýezov aýdany (Abaı dańǵyly - Ótegen batyr kóshesi);

Medeý aýdany (Meńdiqulov kóshesi - Bekturov kóshesi jáne Shevchenko kóshesi - Qonaev kóshesi);

Túrksib aýdany (Juldyz shaǵyn aýdany).

Jalpy 250 tonna ónim ákelinedi. Olar - 40 tonnasy et ónimi, 130 tonnasy jemis-kókónis, 15 tonna sút ónimderi, 5 tonna balyq ónimderi, 60 tonnasy ózge de ónimder.