Almatyda atys uıymdastyrǵan er adam Reseı azamaty bolyp shyqty

ALMATY. QazAqparat - Polıtsııa qyzmetkerleri «Buqar jyraý» turǵyn úı kesheninen oq jaýdyrǵan er adamǵa qatysty jańa derekterdi jarııalady, dep habarlady QazAqparat Polisia.kz silteme jasap.

«Tergeý barysynda kúdikti Reseı Federatsııasynyń azamaty qoldanǵan qarýdyń kimge tıesili ekeni anyqtalady.Qazirgi ýaqytta oqıǵa ornynda polıtsııa departamentiniń jedel-tergeý toby jumys isteýde»,- dep habarlady polıtsııadan.

Eske sala keteıik, 24 sáýir kúni Almatyda turǵyn úı kesheniniń kúzetshisi ańshy myltyǵynan jaraqat alǵan bolatyn. Polıtsııa departamentiniń málimetinshe, kúzetshini belgisiz er adam aradaǵy janjaldan soń aıaǵynan atqan. Ol qazir aýrýhanada jatyr.

Polıtsııa turǵyn úıdegi páterge tyǵylǵan qarýly adammen kelissóz júrgizgen.

Ol kelissózden bas tartty. Esikten baspaldaq alańyna qaraı 10-nan asa ret oq atqan.

Keıinnen kúdikti 17 qabattaǵy terezeden sekirip ketti. Ol oqıǵa ornynda kóz jumdy .

Polıtsııanyń málimdeýinshe, kúdiktini ustaý operatsııasynda atys qarýy qoldanylmaǵan.