Almatyda Astana kúni qalaı toılanady

ALMATY. QazAqparat - 6 shilde kúni Abaı alańynda saǵat 20:00-de Astananyń 25 jyldyǵyna arnalǵan merekelik kontsert ótedi, dep habarlaıdy QazAqparat tilshisi.

Sahnada Lýına, Ziruza, Akim, Kyle Ruh, Bonapart, C.C.Tay, Malika Yes, Aya Funk, Rin'Go, «Jigitter», «Baqaı» toby óner kórsetedi. Elorda kúnin toılaý aıasynda qalada fleshmobtar, dóńgelek ústelder, kórmeler, dárister, ekspozıtsııalar men poezııa keshteri ótedi.

4 shilde kúni, saǵat 19:00-de Yqylas atyndaǵy mýzykalyq aspaptar murajaıynda Made in KZ tobynyń qatysýymen «Asqaqtaı ber, Astana» kontserti bolady.

5 shilde kúni, saǵat 14.00-de Alatau Creative Hub-ta «Jarqyrap, jaınaı ber, Astana!» kitap kórmesi men balalarǵa arnalǵan zııatkerlik oıyn ótedi. Buǵan qosa, merekelik is-shara qalanyń barlyq aýdanynda ótedi.

Naýryzbaı aýdanynda 5 shilde saǵat 11:00-de, Innovatsııalyq shyǵarmashylyq ortalyǵy, Shuǵyla shaǵyn aýdany 347/4 mekenjaıynda merekelik kontsert ótedi.

Alataý aýdanynda 5 shildede, saǵat 17:00-de kontsert ótedi. Ótetin orny:Atletıkalyq aýyl, Nurkent shaǵyn aýdany 5/2;

Túrksib aýdanynda Elorda kúnine oraı estrada juldyzdary menkórkemóner ujymdarynyń qatysýymen 5 shilde kúni saǵat 18:00-de Saýranbaev kóshesindegi Arbatta merekelik is-shara ótedi. Saǵat 20:30-da ashyq aspan astynda fılm kórsetiledi.

Áýezov aýdanynda Astana kúnin toılaýǵa arnalǵan merekelik kontsert 6 shildede saǵat 11:00-de «Family» saıabaǵynda ótedi.

Medeý aýdanynda Elorda kúnine oraı shyǵarmashylyq ujymdardyń qatysýymen merekelik kontsert 6 shilde kúni saǵat 11:00-de Gogol kóshesi, 1mekenjaıyndaǵy Ortalyq mádenıet jáne demalys saıabaǵynda ótedi.

Almaly aýdanynda Astana kúnine arnalǵan merekelik kontsert 6 shildede saǵat 17:00-de «MEGA Park» SOO aýmaǵynda ótedi.

Bostandyq aýdanynda merekelik kontsert 6 shildede saǵat 18:00-de Mega CenterAlma-Ata SOO amfıteatrynda ótedi.