Almatyda áskerıler 100 jasqa tolǵan soǵys ardagerin quttyqtady

ALMATY. QazAqparat – Ekinshi dúnıejúzilik soǵys ardageri, Almaty turǵyny Japabek Moldabaev búgin 100 jasqa toldy, dep habarlaıdy QazAqparat tilshisi.

Almaly aýdandyq qorǵanys isteri basqarmasynyń áskerı qyzmetshileri qarııany úıine baryp quttyqtap qaıtty.

«Almaly aýdanynda Ekinshi dúnıejúzilik soǵysqa qatysqan 40 ardager bar. Ol kisilermen kúnde sóılesip turamyz. Qandaı kómek kerektigin bilip turamyz», - dedi basqarma basshysy Aıdar Músirepov.

Japabek Moldabaev 1920 jyly 10 naýryzda Almaty oblysy Shelek aýdanynda dúnıege kelgen.

1940 jyly qazanda KSRO qarýly kúshter qataryna shaqyrylǵan. Ary qaraı soǵys maıdanynda 37-shi dıvızııada pýlemetshi bolǵan. 1941 jyly 1 maýsymda onyń polkin Manchjýrııamen shekaralas aımaqqa kóshirgen.

Ardager Lenıngradty qorǵaý shebinde urysqa qatysqan, Volhov qalasyn jaýdan tazartqan.

1942 jyly Volhov qalasynda oqqa ushyp, aýyr jaraqat alǵan Japabek Babasharuly áskerı gospıtalge jetkizildi.

Japabek Moldabaev «1 dárejeli UOS ardageri» ordenimen, «Qurmet» ordenimen, «Germanııany jeńgeni úshin» ordenimen, 30-ǵa tarta medalmen marapattalǵan.

Qazir ardager 10 baladan 31 nemere, 43 shóbere súıip otyr. Jubaıymen birge jaqynda gaýhar toıyn atap ótti.

Búginde Almatyda Ekinshi dúnıejúzilik soǵystyń 220 ardageri turady.