Almatyda áskerı oqý oryndaryna úmitkerlerdi qabyldaý is-sharalaryn qorytyndylaǵan keńes ótti
Almatydaǵy Qurlyq áskerleri Áskerı ınstıtýtynyń bazasynda S.Jasuzaqovtyń tóraǵalyǵymen Qazaqstan Respýblıkasy jáne shetel memleketteriniń áskerı oqý oryndaryna úmitkerlerdi qabyldaý
is-sharalaryn qorytyndylaǵan keńes ótkizildi.
Keńes jumysyna áskerı oqý oryndarynyń basshylyǵy jáne professorlyq-oqytýshylyq quram qatysty. Jıynnyń kún tártibine qabyldaý komıssııalarynyń aǵymdaǵy jyl boıynsha esepteri, oqý úderisine daıyndyq jáne ony uıymdastyrý, sondaı-aq áskerı mamandardy sapaly daıyndaý máseleleri shyǵaryldy.
- Keńeste Elbasy - Qarýly Kúshterdiń Joǵarǵy Bas qolbasshysy men Qorǵanys mınıstriniń bizge qoıyp otyrǵan talaptary qarastyrylyp, bolashaq Otan qorǵaýshylarynyń daıyndyq sapasyn arttyrý úshin naqty sheshimder qabyldandy, - dep atap ótti general-polkovnık Sáken Jasuzaqov. - Áskerı oqý oryndaryna túsken jastar, sondaı-aq Ulttyq qorǵanys ýnıversıteti men sheteldik áskerı oqý oryndaryna túsken ofıtserler bolashaqta Otan qorǵaýshylarynyń qataryn tolyqtyryp, áskerı boryshtaryn abyroımen atqaratyn bolady.
Gvardeısk garnızonynda tóraǵa áskerı mindettilerdiń jıynynan ótip jatqan rezervtegilermen áńgimelesti. Tamyz aıynyń sońynda áskerı mindettiler alǵan teorııalyq bilimderin tájirıbe túrinde sarapqa salyp, synaq tapsyratyn bolady. Ázirge general-polkovnık Sáken Jasuzaqov tirkeý quramyndaǵy birqatar áskerı qyzmetshilerdi jaýyngerlik daıyndyqtaǵy jaqsy kórsetkishteri úshin gramotalarmen nagradtady.