Almatyda áskerı bólim jaýyngerleri marapattaldy

ALMATY. QazAqparat - Almatyda «Batyr» Prezıdent polkiniń 0111 áskerı bóliminde Otan qorǵaýshylar kúnine oraı saltanatty jıyn ótti, dep habarlaıdy QazAqparat tilshisi.

Atalǵan polktiń birqatar jaýyngeri Otan aldynda qaltqysyz qyzmet etken úshin «Minsiz qyzmeti úshin» І-ІІ-ІІІ dárejeli medalimen marapattaldy.

Sonymen qatar, sarbazdarǵa Medeý aýdandyq ákimi men QR Memlekettik kúzet qyzmeti basshysynyń alǵys hattary tabys etildi.

«Búgingi táýelsiz elimizdiń áskeri - bizdiń ata-babalarymyzdyń jaýyngerlik dástúriniń zańdy jalǵasy. Sondyqtan da, qalyptasqan ıgi dástúr boıynsha jyl saıyn Qazaqstan Qarýly Kúshteriniń qurylǵan kúni - Otan qorǵaýshylar kúnin merekelep kelemiz. Soǵan baılanysty, Qarýly Kúshterimizdiń abyroıyn asqaqtatar sarbazdarymyzǵa qandaı qurmet kórsetsek te, jarasary sózsiz. Aspanymyzdyń ashyq, el baqytynyń baıandy bolýy - áskerı jaýyngerlerimizdiń qolynda ári keler urpaqtyń enshisinde», - dedi Medeý aýdany ákiminiń orynbasary Maılybaev Ǵanı.
 

Saltanatty shara otandyq estrada juldyzdarynyń merkelik kontsertine ulasty.