Almatyda Ashyq jobasyna qosylǵan kafe-dámhanalardyń jumys ýaqyty ózgerdi

ALMATY. QazAqparat – Almatyda Ashyq jobasyna qosylǵan qoǵamdyq tamaqtaný oryndarynyń jumys ýaqyty ózgerdi. Bul týraly onlaın brıfıng barysynda qalalyq kásipkerler palatasynyń dırektory Aıtýar Qoshmambetov málim etti, dep habarlaıdy QazAqparat tilshisi.

Onyń aıtýynsha, búgingi kúni qalada 665 shaǵyn orta bıznes nysany Ashyq pılottyq jobasyna qosylǵan.

«6 mamyrdaǵy jaǵdaı boıynsha Almaty qalasynda 655 qatysýshy bar. Fıtnes-klýbtar jáne sporttyq-saýyqtyrý keshenderi – 125, spa-ortalyqtary – 40, basseınder – 23, boýlıng ortalyqtary – 5, bılıard klýbtary – 11, kompıýterlik klýbtar – 50, saýnalar men monshalar – 106, qoǵamdyq tamaqtaný nysandary – 266, kınoteatrlar, teatrlar, kontsert zaldary – 266», - dedi Aıtýar Qoshmambetov.

Ashyq jobasynyń arqasynda jumys kúnderi 200, al demalys kúnderi KVI juqtyrǵan 900-ge jýyq adam anyqtaldy.

«Jumys ýaqytyndaǵy adam sanynyń az-kóptigine baılanysty algorıtm qaıta qaraldy. Birqatar jeńildik bar. Sport keshenderi, ıoga ortalyqtary úshin ýaqyt shekteýsiz. Kontsert zaldarynyń syıymdylyǵy 50 paıyzǵa deıin artty.Tańerteńgi 07.00-den túngi 02.00-ge deıin kafe men karaoke jumysyna ruqsat etiledi. Zalda 30 adamǵa deıin jáne banket zaldarynda 50 adamǵa deıin ruqsat etildi», - dedi spıker.

Sonymen qatar, ol 5 mamyrdan bastap banket zaldary men karaoke-klýbtar «Ashyq» jobasy arqyly jumys bastaǵanyn tilge tıek etti.

Eske sala keteıik, Ashyq - kelýshilerdi qoǵamdyq orynda tirkeýge arnalǵan qosymsha.

Memlekettik jáne qoǵamdyq oryndarǵa kirer aldynda qoldanýshy arnaıy QR kodyn skanerlep, kireberiste ákimshige usynady. Kod kelýshiniń mártebesin anyqtaıdy.